白花膠鮑魚瘦肉湯

http://hk.myblog.yahoo.com/js-ahcat/article?mid=58&fid=-1&action=next
網誌分類：小塔愛心湯水篇 | 網誌日期：2009-03-28 18:54
懶咗差唔多一個月, 真係要重拾煲湯的心情. 同埋, 今日係二人拍拖的十四週年紀念, 梗係要出手煮餐飯俾老公食啦!
見個雪柜仲有兩隻急凍鮑魚, 就好快咁決定咗要煲咗佢嘞! 好, 來一個白花膠鮑魚瘦肉湯.
材料: 南非急凍鮑魚2隻, 白花膠仔10片, 瘦肉約20蚊, 粟米2個, 甘荀2個, 蜜棗2粒, 乾百合數片, 南北杏少許.
做法: 急凍鮑魚和瘦肉洗淨, 分別汆水. 其餘新鮮材料洗淨切小件連同蜜棗,乾百合, 南北杏等放入真空煲齊水煲1小時.
啱啱試過味, 幾好飲喎!
因為今日係特別日子, 二人都好鍾意食日本嘢, 所以是日晚餐會有佐賀牛柳, 鹽燒鯖魚, 同埋玉子燒....希望老公今晚會食得開心啦.